TFDA YAMSHIKILIA ALIYESAMBAZA TAARIFA ZA UONGO MTANDAONI KUHUSIANA NA DAWA YA PANADOL

Prince Mhina anayeshikiriwa na Mamlaka ya Chakula na Dawa akiwa anezumza na waandishi wa habari katika ofisi za Mamlaka hiyo kulia kwake ni Kaimu Mkurugenzi wa Mamlaka ya Chakula na Dawa Agnes Sitta Kijo.

Mamlaka ya chakula na dawa imemshikilia aliyehusika na kusambaza taarifa mitandaoni Prince Mhina kuhusiana na dawa ya Panadol kutokuwa salama kwa matumizi ya binadamu.

Kaimu Mkurugenzi wa Mamlaka ya Chakula na Dawa Agnes Sitta Kijo amekanusha taarifa hizo za kwamba dawa ya panadol ukiimwagia maji inageuka kuwa kitambaa si zakweli, kwani dawa ya panadol ni salama kwa matumizi kama dawa nyingine.

Aidha Kaimu Mkurugenzi huyo wa Mamlaka ya Chakula na Dawa amesema kuwa bidhaa inayohusishwa na dawa tajwa ni kitambaa (tab towel) ambacho kimetengenezwa kwa muundo wa kidonge na juu hakuna lebo ya Panadol wala paracetamol kam inavyoelezwa na katika video inayosambazwa, na badhaa hii hutumika zaidi katika mahoteli au maeneo mengine.

Habari picha na ALLY THABIT