CUFF YALIA NA WALIOWEKA FEDHA NCHINI CHINA

 

(CUF- Chama Cha Wananchi)

 

Office of the National Chairman

P.O. BOX 10979 Dar es Salaam, Tanzania

E-mail: lipumba@yahoo.com

 

TAARIFA KWA WAANDISHI WA HABARI, 08 FEBRUARI 2023

SAKATA LA FEDHA ZA PLEA BARGAINING ZILIZOKUSANYWA NA AFISI YA  MWENDESHA MASHTAKA (DPP) NA UCHUNGUZI WA KILE KILITOCHOKEA MPAKA BAADHI YA FEDHA HIZO KUTOJULIKANA ZILIPO

Ndugu wana habari, Tarehe 31 January, 2023 Mheshimiwa Rais alizindua Tume ya kuangalia jinsi ya kuboresha taasisi za haki ikiwemo taasisi ya Taifa inayosimamia na kuendesha mashtaka ya jinai nchini.Wakati wa uzinduzi huu Rais Samiaalinukuliwa akielezea juu ya kutoonekana kwa sehemu ya fedha zilizokusanywakutokana na makubaliano kati ya waliokuwa watuhumiwa wa makosa ya jinai na Mkurugenzi wa Mashtaka yaani “Plea Bargaining” na kuripotiwa kwa kuwepo kwa akaunti ya benki nchini China ambako baadhi ya fedha hizo ziliwekwahuko. Katikakipindi hicho Jaji Biswalo Mganga ndiye aliyekuwa Mkurugenzi wa Mashtaka.

Sambamba na uzinduzi wa Tume hiyo, Chama cha Wanaanchi-CUF tunafahamu juu ya uwepo wa uchunguzi wa fedha zaidi ya shilingi bilioni50 unaofanywa na ofisi ya  Mkaguzi Mkuu wa Hesabu za Serikali – CAG. Fedha hizizilipatikana kutokana na utaifishwaji wa mali za Watanzania waliotuhumiwa kwa makosa ya jinai mbalimbali na kupelekea makubaliano na serikali kupitia ofisi ya DPP yaani “Plea Bargaining”  ambao utahusisha kuhojiwa kwa watu mbali mbali waliohusika katika jambo hilo.

Ndugu wanahabari, kama mtakumbuka “Plea bargaining” ililetwa na mabadiliko ya sheria ya mwenendo wa makosa ya jinai yaliyofanyika mwaka 2019 na kuendeshwa na ofisi ya Mkurugenzi wa Mashtaka (DPP) kwa kuingia makubaliano na Watuhumiwa wa makosa ya jinai ambao wengi wao hawakuwa wamepewa dhamana kutokana na makosa yao kutokuwa na dhamana. Hata hivyo sheria hii ilitekelezwa na DPP hata kabla ya Mhe. Jaji Mkuu kutunga kanuni za namna bora ya kutekeleza utaratibu wa “Plea bargaining” ambao ungeainisha mambo muhimu kama akaunti ipi ambayo fedha hizi zipelekwe na kuweka wazi namna ya matumizi ya fedha hizi.Jambo la kusikitisha zaidi, sehemu ya fedha hizi zilipokelewa na DPP mwenyewe kwa njia ya fedha taslimu kinyume cha sheria za nchi na zingine kuwekwa katika akaunti nchini Chinakama alivyoeleza Mhe. Rais.

Ndugu wanahabari, Sisi CUF-Chama Cha Wananchi tunaamini kwamba, kazi ya kuchnuguzana kutazama nini kimetokea na nini kiliharibu ofisi hii ya DPP na kupelekeasehemu ya fedha hizo za umma kutojulikana zilikowekwa haitoweza kufanikiwa kutekelezwa kwa uhuru na TUME hii iliyoundwa na Mhe. Rais iwapo aliyekuwa Mkurugenzi wa Ofisi hiyo kipindi cha Plea Bargaining; Jaji Biswalo bado anashikilia nafasi ya juu katika moja ya ofisi ya utoaji haki, yaani Mahakama Kuu.

Na kama alivyosema Mheshimiwa Rais kuwa kubadilisha Mkurugenzi wa ofisi hizi peke yake  hakutotosha kumaliza mizizi inayopelekea kujitokeza kwa mapungufu haya ya kiofisi, Sisi CUF -Chama Cha Wananchi tunaamini ili kuhakikisha ofisi hizi zinabadilika kabisa na kutekeleza majukumu yake kwa Muktadha wa Misingi ya Kikatiba,  Demokrasia, Haki sawa  kwa wote na Utawala bora  kwa mujibu wa sheria, basi hata wale watumishi waliokuwa wakimsaidia Mkurugenzi wa Mashtaka kwa kipindi hicho cha “Plea Bargaining” wasimamishwe kazi ili kupisha uchunguzi huru wa TUME hiyo na uchunguzi wake utakuwa wenye tija na kufuata Utawala wa Sheria pamoja na kurejesha imani ya Watanzania katika ofisi husika.

Tume pia ichunguze na kubainisha kama kuna viongozi na taasisi nyingine zilizohusika katika sakata hili.

Pamoja na uchunguzi wa fedha zilizopokelewa taslimu na zilizowekwa kwenye akaunti za benki, pia Tume ichunguze mali zisizohamishika zilizowekwa kama dhamana kwa wale walioshindwa kulipa fedha taslimu, kama bado ziko mikononi mwa Serikali au zimerejeshwa kinyemela.

Na mwisho, wale watakaobainika wamehusika katika sakata hili ama la upotevu wa fedha au matumizi mabaya ya ofisi husika basi wachukuliwe hatua za kisheria ili kuzuia matukio kama haya kujirudia tena.

Tuna matumaini Tume itafanya kazi kwa uadilifu wa hali ya juu, bila woga wala upendeleo na tunaitakia utekelezaji mwema wa majukumu yake.

HAKI SAWA NA FURAHA KWA WOTE

Prof. Ibrahim Haruna Lipumba

Mwenyekiti CUF - Taifa

Habari kamili na Ally Thabith